صحافی اور شاعر مدثر نارو کی بازیابی کے لیے نیشنل پریس کلب کے باہر احتجاجی مظاہرے  میں مدثر نارو کی والدہ نے کہا ہے کہ وزیر اعظم عمران خان نے وعدہ کیا تھا کہ میرے بیٹے کو بازیاب کروائیں گے_ مدثر نارو کی والدہ نے کہا ہے کہ ریاست مدینہ کے والی عمران خان قیامت کے دن کیا جواب دیں گےتین سالہ پوتے اور وکلاء کے ہمراہ نیشنل پر یس کلب کے باہر احتجاج کرتے ہوئے لاپتہ صحافی مدثر نارو کی والدہ نے کہا کہ آرمی چیف اور چیف جسٹس پاکستان میرے بیٹے کی بازیابی کے لیے کردار ادا کریں والدہ مدثر نارو نے کہا کہ اسلام آباد ہائیکورٹ سے اپیل ہے کہ میرے بیٹے کو بازیاب کروائیں_ والدہ مدثر نارو نے کہا کہ بدقسمتی سے مدثر نارو تین سال سے لاپتہ ہے لیکن ابھی تک کوئی وعدہ وفا نہیں ہو سکا_ عثمان وڑائچ ایڈوکیٹ کوآرڈینیٹر جرنلسٹ ڈیفنس کمیٹی نے کہا کہ اسلام آباد ہائیکورٹ میں معاملہ دس ماہ سے زیر التواء ہے_ عثمان وڑاء نے کہا کہ 

عدالت اور ریاست کا کام ہے کہ مدثر نارو کو بازیاب کروایا جائے_ سینیئر ایڈوکیٹ اور جرنلسٹ ڈیفنس کمیٹی کے ممبر ساجد تنولی ایڈوکیٹ نے کہا کہ افسوس ہوتا ہے کہ تین سال گزر گئے مدثر نارو کی بازیابی ممکن نہیں ہو سکیاگر مدثر نارو نے کوئی جرم کیا ہے تو عدالت میں کیس چلایا جائے-  جرنلسٹ ڈیفنس کمیٹی کی ممبر اور سینئر ایڈوکیٹ ایمان مزاری حاضر  نے کہا کہ انسانی جان کی حرمت سب سے آگے ہےاس ملک کے کرتا دھرتا اس معاملے پر توجہ دیں_